Линклар

Бугун Жанубий Корея пойтахти Сеулда футбол бўйича жаҳон чемпионати старт олди.


Унинг тантанали очилиш маросимини томоша этиш учун Сеул стадионига 64 мингга яқин томошабин йиғилган. Маросимда чемпионат иштирокчиларини Жанубий Корея ва Япония бош вазирлари Ким Дэ Жун ва Дзюнидиро Коидзумилар олқишлади. Тантаналар тугагач Сеул ўйингоҳида Жаҳон кубоги ўйинларининг дастлабки матчи бўлиб. Унда жаҳон чемпиони Франция Сенегал терма командасига имкониятни бой бериб, 0:1га ютқазиб қўйди. Бу галги жаҳон чемпионати Осиё минтақасида илк бор ўтказилмоқда. Жаҳон биринчилиги учун футбол беллашувлари Япония ва Жанубий Корея ўйингоҳларида 31 майдан июн ойининг оҳирги кунига қадар давом этади. Турнирда жами 32 давлат терма командаси 8 гурухга бўлинган холда беллашувлар олиб боради. Япон расмийларининг маълум қилишларича ҳар бир футбол матчини саккиз мингга яқин полициячи қўриқлаб боради. Биргина Япониянинг ўзига футбол томошаларини кузатиб бориш учун 3 ярим миллион чет эллик ташриф буюрган. Чемпионатнинг финал матчи 30 июн куни Японияда бўлиб ўтади.
XS
SM
MD
LG