Линклар

Инсон ҳуқуқлари ҳимоячилари «Халқ сўзи»даги мақолага эътироз билдирди


10 октябрь куни «Freedom house» ташкилотининг Тошкентдаги ваколатхонасида инсон ҳуқуқлари ҳимояси билан шуғулланувчи ташкилотлар вакиллари матбуот анжумани ўтказди.

Анжуманда яқинда «Халқ сўзи» ва «Народное слово» газеталарида чоп этилган «Қонунбузар ким: маҳалла қўмитасими ёки Ҳьюман райтс уотч» мақоласи юзасидан мулоҳазалар билдирилди.

Анжуман ташкилотчиларининг фикрича, мақола ҳукуматнинг буюртмаси асосида ёзилган бўлиб, унда «Ҳьюман райтс уотч» ташкилотининг Тошкентдаги вакиласи Матильда Богнер шаънига ҳақоратомуз гаплар ишлатилган. Шунингдек, асоссиз фактлар ва иғвога таянилган ушбу мақолада халқаро ташкилот вакиласига нисбатан ошкора таҳдид оҳанглари сезилади.

Эслатиб ўтамиз, мақолада «Ҳьюман райтс уотч» ташкилотининг маҳаллалардаги қонун бузилишлар тўғрисидаги ҳисоботи танқидга олинган.
XS
SM
MD
LG