Линклар

logo-print

“Freedom house” бюллетень чиқара бошлади


Шайбон “Freedom house” ташкилотининг Тошкентдаги ваколатхонаси ўзининг нишона ахборот бюллетенини нашрдан чиқарди. Тўрт саҳифадан иборат мазкур бюллетенда ташкилотнинг фаолият йўналишлари, Ўзбекистондаги инсон ҳуқуқлари борасидаги вазият хусусида маълумот берилади.

100 нусхада чиқарилган бюллетень муаллифларидан бирининг айтишича, ушбу нашр ҳар ойда тайёрланади. Ундан кўзланган асосий мақсад ташкилотнинг Тошкентдаги ваколатхонаси томонидан амалга оширилаётган ишлар, Ўзбекистонда инсон ҳуқуқлари борасида содир бўлган асосий воқеа-ҳодисалар ҳақида хабар беришдир.

Ваколатхона вакили Ҳаёт Тўйчиевнинг таъкидлашича, маҳаллий фуқаролар ва расмий идоралар ҳунузгача “Freedom house” ҳақида тўлиқ тушунчага эга эмас. Шу боис бюллетенда мазкур ташкилот фаолияти ҳақида маълумотлар бериб бориш лозим топилган.

Ҳ.Тўйчиевнинг билдиришича, бюллетень саҳифаларида инсон ҳуқуқлари ҳимоячиларининг ўзлари учун ҳам минбар берилади.

Муаллифлардан бирининг айтишича, бюллетень сонлари расмий идораларга ҳам тарқатилади.
XS
SM
MD
LG