Линклар

logo-print

Журналист хусусий газета очмоқчи, лекин…


Наманганлик журналист Абдужаббор Умаровнинг турли мавзулардаги мақолалари, ҳикоялари маҳаллий матбуотда тез-тез чоп этилади. Журналист бундан 7 ой муқаддам “Руҳият” номли хусусий газета очиш ниятида тегишли ҳужжатларни Наманган вилояти матбуот ва ахборот бошқармасига топширган эди. Лекин ҳунузгача у газета чиқаришга рухсат ололгани йўқ.

А.Умаровнинг сўзларига қараганда, у одамларга руҳий озуқа берадиган, тарихни ўргатадиган, бугунги кун муаммоларини ёритадиган газета чиқаришни ният қилган. У газета очиш учун ҳужжат топширгандан сўнг бошқармага сон-саноқсиз марта қатнаган. Лекин бошқарма раҳбари ҳар сафар аниқ жавоб беришдан ўзини олиб қочган.

А.Умаровнинг таъкидлашича, ҳокимиятга яқин шахслар унга сайлов олдидан янги газета очишга рухсат бермаслик ҳақида кўрсатма борлигини маълум қилган.

Наманган вилояти матбуот ва ахборот бошқармаси бошлиғи Алишер Қўймуродовнинг билдиришича, А.Умаровнинг газета очишига рухсат берилмаётганига сабаб топширилган ҳужжатларда камчиликлар борлигидир.
XS
SM
MD
LG