Линклар

Ироқнинг Бақуба шаҳри яқинидан ўлдирилган 43 нафар ироқлик аскар ва 5 нафар тинч аҳоли вакили жасади топилди.


Тўлқин

Мандали шаҳридаги Ироқ ҳарбий бўлинмаси командири полковник Жассим ас-Саъдий бундай маълумот берди:
“Ўтган тунда бизгача Бадр-Казанийда бўлиб ўтган оммавий қирғин ҳақида хабар етиб келди. Миллий гвардия ва полициячилардан иборат патрул ҳужум уюштирилган жойга етиб борганимизда, бошидан ўққа тутилган жасад ва ёндириб юборилган автомобилнинг гувоҳи бўлдик” .
Бугун Америка самолётлари Фаллужадаги исёнчиларнинг истеҳкомлари деб тахмин қилинган объектларга ҳаводан зарба берди. Маҳаллий врачларга кўра, бунинг оқибатида тинч аҳоли вакилларидан 5 киши ўлдирилган.
Самарра ва Киккукда бўлиб ўтган тўқнашувларда 3 киши ҳалок бўлди.
Бағдод яқинида кеча бўлиб ўтган отишма оқибатида бир америкалик дипломат ҳалок бўлди. Мосул шаҳрида ҳам бугун мина ўрнатилган автомобил портлади. Портлаш оқибатида ҳеч ким қурбон бўлмади.
XS
SM
MD
LG