“Озодлик” мухбирининг қашқадарёлик кўплаб фуқаролар билан ўтказган суҳбатлари айнан шуни кўрсатди.
Суҳбатдошларнинг аксарияти намойишга чиққан андижонликларни қўллаб-қувватлашини билдирди.
“Мен чиқиш халқнинг ўзи томонидан амалга оширилган, деб ҳисоблайман. Барча жойдаги каби у ерда ҳам ҳукумат ўз зулмини ўтказган, халқнинг эса сабр-косаси тўлган”, - деди қашқадарёлик йигитлардан бири.
Бир аёлнинг сўзларига кўра, у Андижонда бегуноҳ халққа ўқ узилгани ҳақида кўп эшитяпти. Тинч аҳоли ўртасида қурбонлар ҳам кўп бўлган.
Баъзи суҳбатдошлар қўлига қурол билан чиққан кишини, у ким бўлишидан қатъи назар, оқлаб бўлмаслигини таъкидлади.
“Биринчи бўлиб улар (исёнчилар) ички ишлар ходимлари ва аскарларни ўлдирди. Шунинг учун тинч аҳолига ўқ узилгани ҳақидаги гапларга мен қўшилмайман”, - деди суҳбатдошлардан бири.
Расмийлар томонидан тинмай такрорланаётганига қарамай, исёнчилар ислом давлати тузиш учун қўлига қурол олгани тўғрисидаги фикрларга кўпчилик ишонмаётир.
“Балога қолган “Ҳизб ут-таҳрир” бўлиб қолди. Аслини олганда, ҳамма айб тузумнинг ўзида. Ҳозирги ҳокимият оддий ижтимоий муаммоларни ҳам ҳал қилиб бера олмаяпти. Одамлар қаерга бош уришни билмай қолди. Натижада мана шундай портлаш рўй берди”, - деди суҳбатдош ёш йигит.
Қашқадарёлик суҳбатдошларнинг аксарияти Андижонда қурбон бўлганларга ҳамдардлик билдирди.
Суҳбатдошларнинг қўшимча қилишича, Андижон воқеаларидан буён бир неча кун ўтган бўлса-да, маҳаллий оммавий ахборот воситалари бу ҳақда холис ва тўлиқ ахборот бермаяпти. Оқибатда халқ орасида турли миш-мишлар кўпаймоқда.
Суҳбатдошларнинг аксарияти намойишга чиққан андижонликларни қўллаб-қувватлашини билдирди.
“Мен чиқиш халқнинг ўзи томонидан амалга оширилган, деб ҳисоблайман. Барча жойдаги каби у ерда ҳам ҳукумат ўз зулмини ўтказган, халқнинг эса сабр-косаси тўлган”, - деди қашқадарёлик йигитлардан бири.
Бир аёлнинг сўзларига кўра, у Андижонда бегуноҳ халққа ўқ узилгани ҳақида кўп эшитяпти. Тинч аҳоли ўртасида қурбонлар ҳам кўп бўлган.
Баъзи суҳбатдошлар қўлига қурол билан чиққан кишини, у ким бўлишидан қатъи назар, оқлаб бўлмаслигини таъкидлади.
“Биринчи бўлиб улар (исёнчилар) ички ишлар ходимлари ва аскарларни ўлдирди. Шунинг учун тинч аҳолига ўқ узилгани ҳақидаги гапларга мен қўшилмайман”, - деди суҳбатдошлардан бири.
Расмийлар томонидан тинмай такрорланаётганига қарамай, исёнчилар ислом давлати тузиш учун қўлига қурол олгани тўғрисидаги фикрларга кўпчилик ишонмаётир.
“Балога қолган “Ҳизб ут-таҳрир” бўлиб қолди. Аслини олганда, ҳамма айб тузумнинг ўзида. Ҳозирги ҳокимият оддий ижтимоий муаммоларни ҳам ҳал қилиб бера олмаяпти. Одамлар қаерга бош уришни билмай қолди. Натижада мана шундай портлаш рўй берди”, - деди суҳбатдош ёш йигит.
Қашқадарёлик суҳбатдошларнинг аксарияти Андижонда қурбон бўлганларга ҳамдардлик билдирди.
Суҳбатдошларнинг қўшимча қилишича, Андижон воқеаларидан буён бир неча кун ўтган бўлса-да, маҳаллий оммавий ахборот воситалари бу ҳақда холис ва тўлиқ ахборот бермаяпти. Оқибатда халқ орасида турли миш-мишлар кўпаймоқда.