Линклар

logo-print

Косоводаги АҚШ ҳарбийлари расмийси Косово ҳарбий базасида яширин ҳибсхона борлиги ҳақидаги хабарни инкор этди.


Косоводаги Америка қўшинлари матбуот вакили Майкл Вун айни пайтда¸ мазкур минтақада НАТО етакчилигидаги тинчлик ўрнатиш кучларига қарашли умумий ҳибсхона мавжудлигини айтиб ўтди.
Унга кўра¸ ҳозирда бу ҳибсхонада ҳеч ким сақланмаяпти.
Кеча Европа Кенгашининг инсон ҳуқуқлари бўйича комиссионери Алваро Жил-Роблес¸ АҚШ ҳарбийларининг Косовода Гуантамо базасидагидек махфий ҳибсхонага эга экани маълум қилди.
2002 йили ўзи бевосита мазкур ҳибсхонани бориб кўрган иттифоқ расмийси¸ ҳибсхонадаги шароитлардан даҳшатга тушганини таъкидлади.
Вашингтон Пост газетасининг ëзишича¸ АҚШ Марказий разведка бошқармаси жаҳон бўйлаб 8 та махфий ҳибсхонага эга ва уларда террорчиликка алоқадорликда гумон этилган хориж фуқаролари яширин тарзда сақланади. Мазкур махфий ҳибсхоналардан бирининг шарқий Европада жойлашгани юзасидан ҳозирда Европа иттифоқи тизимлари махсус текширув ўтказмоқдалар.
XS
SM
MD
LG