Линклар

logo-print

Украина президенти Виктор Юшченко ўз тарафдори бўлган “Бизнинг Украина” партиясининг Киевда ўтган йиғилишида сўзга чиқиб, парламентни тарқатиб, янги сайлов ўтказиш билан таҳдид қилди.


“Агар парламентдаги кўпчиликнинг хатти-ҳаракати конституцияга асосланган ҳолатга қайтарилмаса, мен парламентни тарқатиб юбориш ҳақидаги фармонга имзо чекаман”, - деди В.Юшченко.
Киевнинг мустақиллик майдонида В.Юшченконинг бир неча минг тарафдори намойиш ўтказди. 300 метрча наридаги Европа майдонида эса президентнинг сиёсий рақиби бўлган бош вазир Виктор Януковичнинг бир неча минг тарафдори митинг уюштирди. Икки намойиш тўсиқлар билан ажратиб қўйилди ва ўртага милиция кучлари жойлаштирилди. Ҳар икки намойиш рок қўшиқчилари концерти билан якунланди.
XS
SM
MD
LG