Линклар

“Америка гўзал”


Президентлик амалига расман киришиш арафасида Барак Обама¸ америкаликларни Америка орзусини биргаликда қайта тиклашга даъват қилмоқда.

Президентлик амалига расман киришиш арафасида Барак Обама¸ америкаликларни Америка орзусини биргаликда қайта тиклашга даъват қилмоқда.

Якшанба куни АҚШ пойтахти Вашингтонда янги президент Барак Обамани қасамëдга келтиришга бағишланган уч кунлик байрам тадбирлари бошланди.

Юз минглаб одам йиғилган Вашингтон тантаналари Америка тарихидаги биринчи қора танли президентнинг қасамëдга келтирилиши муносабати билан мамлакат бўйлаб ҳукм сураëтган хурсандчиликнинг илк йирик ифодаси бўлди.

Президентликка сайланган Барак Обама юз минглаб ватандошлари билан биргаликда туриб қўшиқ куйлади¸ улар билан бир оҳангда тебранди.



Обама ëнида Ҳолливуд ва мусиқа оламининг Дензел Вашингтон¸ Том Ҳанкс¸ Брюсе Спрингстин¸ Ю2¸ Стиве Вондер ва Бейонсе каби юлдузлари чиқиш қилди.

Мазкур концерт тадбири Вашингтондаги энг машҳур обидалардан бири – Абраҳам Линколн хотира обидаси жойлашган майдонда бўлиб ўтди.

Бевосита концертда иштирок этган Озодлик мухбири Рики Гринга кўра¸ ҳатто изғирин қиш ҳам¸ ўн минглаб америкаликларнинг Обаманинг қасамëдга келтирилиши арафасида АҚШ пойтахтида ҳукм сураëтган кўтаринки кайфиятдан баҳраманд бўлиш учун¸ мамлакатнинг турли чеккаларидан минглаб чақирим йўл босиб келишларига тўсқинлик қилмаган.

Икки соат давом этган концертда президентликка сайланган Барак Обама рафиқаси Мишел ва иккала қизи¸ шунингдек вице-президентликка сайланган Жо Байден ҳамда унинг оиласи билан бирга бошдан охирига қадар қатнашди.

Якшанба куни Линколн майдонида бўлиб ўтган концерт¸ Барак Обаманинг 44 –АҚШ президенти сифатида қасамëдга келтирилишига бағишланган уч кунлик тантаналарни бошлаб берди.

Ўз сўзида Обама¸ биринчи қора танли америкаликнинг президентликка сайланиши буюк тарихий ҳодиса эканини тан олган ҳолда¸ асосан мамлакат олдида турган мураккаб муаммоларни тилга олди.

Американинг иккита урушни бошдан кечираëтгани ва 30-йиллардаги буюк депрессиядан бери мисли кўрилмаган иқтисодий бўҳрон домида қолаëтганини қайд эта туриб Обама¸ америка жамиятининг тамал тоши бўлган орзуларнинг қайта тирилишига умид билдирди.

- Мен президентлик вазифасига киришишга чоғланар эканман¸ Овал офисга сизнинг овозингизни олиб кираман. Бу кундалик турмуш ҳикояси фарқли бўлса-да¸ ягона умидга боғланиб яшаëтган эркак ва аëллар овозидир. Бу бор-йўғи америкалик ўлароқ ваъда этилган орзулар ижросини кутаëтган¸ ўз ҳаëтини ўзи орзу қилган тарзда бунëд қилиш¸ болаларининг эса¸ ўзидан-да каттароқ орзуларга эришишига умид қилиб яшаëтган оддий америкаликлар овозидир¸ деди Линколн майдонидаги тадбирда Барак Обама.

Концерт давомида умид ва эзгу орзулар тимсоли бўлмиш оқ каптарлар осмонга учирилди ва улар тадбир давомида гоҳ баланд¸ гоҳ пастга учиб¸ Америка орзулари бардавомлиги тимсолини яратишди.

Икки соат давомида ватанпарварлик руҳига йўғрилган қўшиқлар янгради ва Обама президентлиги бошланишига бағишланган илк тадбир Бейонсенинг “Америка гўзал” қўшиғи билан якун топди.

Барак Обама 20 январ куни АҚШ президенти сифатида расман қасаëдга келтирилади.


XS
SM
MD
LG