Президент Обаманинг келаси ҳафта Қоҳирадан туриб қиладиган мурожаатидан мусулмон дунëсидаги турли қатламлар турлича мужда кутмоқда.
Аксар араблар¸ Оқ уй раҳбаридан Исроил-Фаластин можаросининг қачон ва қандай ҳал этилиши борасида аниқ йўлнома кутмоқдалар.
Яна бир тоифа мусулмонлар Обаманинг¸ кейинги саккиз йил давомида мусулмон ва террорчи ўртасига қўйилган тенглик белгисини қатъият билан олиб ташлаши ва мўътадил мусулмонлар эътиқоди билан Ал-Қоида каби экстремист гуруҳлар талқинидаги Исломни бир-биридан ажратишини кутмоқдалар.
Мезбон¸ Миср президенти Ҳусни Муборакка ўхшаган мусулмон автократлари эса¸ Обаманинг ўз ғанимлари¸ хусусан Эронга пўписа қилиб¸ унинг Яқин Шарқдаги гегемонлик уринишларини тўхтатишини истамоқда.
Обаманинг Қоҳирадан қиладиган мурожаати арафасида араб дунëсида ўтказилган мустақил сўров¸ мусулмонларнинг Обамага ҳурмати¸ ҳозирча баланд эканини кўрсатди.
Халқаро Зогби сўров маркази¸ Обаманинг Яқин Шарқ сафари арафасида Миср¸ Саудий Арабистони¸ Марокаш¸ Ливан¸ Иордания ва Бирлашган Араб Амирликлари аҳолисига бир неча савол билан мурожаат қилди.
“Барак Обама президентликка сайланганидан бери АҚШ га нисбатан муносабатингиз ўзгардими?”¸ деган саволга сўралганларнинг 50 фоиздан ошиғи “муносабатим ижобий томонга ўзгарди”¸ деган мазмунда жавоб қайтарган.
“Обама маъмурияти АҚШ нинг араб дунëси билан муносабатларини яхшилай оладими?”¸ деган саволга Саудий Арабистонида сўралганларнинг 74 фоизи¸ Араб Амирликларида 64 фоизи ижобий фикр билдирган бўлса¸ Миср ва Иорданияда бор-йўқ 37 ва 31 фоиз сўралганлар¸ “Ҳа!” деб жавоб берган.
Олти араб давлати аҳолиси¸ АҚШ қўшинларини Ироқдан олиб чиқишга киришишни Обаманинг президент сифатида ҳозирча қилган энг муҳим иши деб билса¸ Гуантанамо қамоқхонасини ëпиш ҳақдаги буйруқ бу рўйхатнинг иккинчи поғонасига¸ Обаманинг Ал-Арабия телеканали орқали мусулмонларга қилган бевосита мурожаати эса¸ учинчиликка қўйилган.
Халқаро Зогби гуруҳи ўтказган сўровга кўра¸ аксар араблар Исроил-Фаластин можаросининг ечимсиз қолаëтганини Яқин Шарқ тинчлик жараëнига энг катта таҳдид деб биладилар.
Айни пайтда мазкур сўровдан¸ минтақа ҳукуматларининг¸ Эрон таҳдиди ҳақдаги тинимсиз баëнотларига қарамай¸ оддий аҳоли Эронни Яқин Шарқ учун асосий хатар деб билмаслиги ҳам аëн бўлди.
Хуллас¸ АҚШ президенти Барак Обама Яқин Шарқ бўйлаб илк сафарга отланар экан аксар араблар унга: “Американинг мусулмон дунëси билан алоқаларини яхшилаш уринишларининг бошланиши ҳозирча ëмон эмас¸ аммо бу узоқ ва мураккаб жараëн эканини унутманг!”¸ деган мужда йўлламоқдалар.
Аксар араблар¸ Оқ уй раҳбаридан Исроил-Фаластин можаросининг қачон ва қандай ҳал этилиши борасида аниқ йўлнома кутмоқдалар.
Яна бир тоифа мусулмонлар Обаманинг¸ кейинги саккиз йил давомида мусулмон ва террорчи ўртасига қўйилган тенглик белгисини қатъият билан олиб ташлаши ва мўътадил мусулмонлар эътиқоди билан Ал-Қоида каби экстремист гуруҳлар талқинидаги Исломни бир-биридан ажратишини кутмоқдалар.
Мезбон¸ Миср президенти Ҳусни Муборакка ўхшаган мусулмон автократлари эса¸ Обаманинг ўз ғанимлари¸ хусусан Эронга пўписа қилиб¸ унинг Яқин Шарқдаги гегемонлик уринишларини тўхтатишини истамоқда.
Обаманинг Қоҳирадан қиладиган мурожаати арафасида араб дунëсида ўтказилган мустақил сўров¸ мусулмонларнинг Обамага ҳурмати¸ ҳозирча баланд эканини кўрсатди.
Халқаро Зогби сўров маркази¸ Обаманинг Яқин Шарқ сафари арафасида Миср¸ Саудий Арабистони¸ Марокаш¸ Ливан¸ Иордания ва Бирлашган Араб Амирликлари аҳолисига бир неча савол билан мурожаат қилди.
“Барак Обама президентликка сайланганидан бери АҚШ га нисбатан муносабатингиз ўзгардими?”¸ деган саволга сўралганларнинг 50 фоиздан ошиғи “муносабатим ижобий томонга ўзгарди”¸ деган мазмунда жавоб қайтарган.
“Обама маъмурияти АҚШ нинг араб дунëси билан муносабатларини яхшилай оладими?”¸ деган саволга Саудий Арабистонида сўралганларнинг 74 фоизи¸ Араб Амирликларида 64 фоизи ижобий фикр билдирган бўлса¸ Миср ва Иорданияда бор-йўқ 37 ва 31 фоиз сўралганлар¸ “Ҳа!” деб жавоб берган.
Олти араб давлати аҳолиси¸ АҚШ қўшинларини Ироқдан олиб чиқишга киришишни Обаманинг президент сифатида ҳозирча қилган энг муҳим иши деб билса¸ Гуантанамо қамоқхонасини ëпиш ҳақдаги буйруқ бу рўйхатнинг иккинчи поғонасига¸ Обаманинг Ал-Арабия телеканали орқали мусулмонларга қилган бевосита мурожаати эса¸ учинчиликка қўйилган.
Халқаро Зогби гуруҳи ўтказган сўровга кўра¸ аксар араблар Исроил-Фаластин можаросининг ечимсиз қолаëтганини Яқин Шарқ тинчлик жараëнига энг катта таҳдид деб биладилар.
Айни пайтда мазкур сўровдан¸ минтақа ҳукуматларининг¸ Эрон таҳдиди ҳақдаги тинимсиз баëнотларига қарамай¸ оддий аҳоли Эронни Яқин Шарқ учун асосий хатар деб билмаслиги ҳам аëн бўлди.
Хуллас¸ АҚШ президенти Барак Обама Яқин Шарқ бўйлаб илк сафарга отланар экан аксар араблар унга: “Американинг мусулмон дунëси билан алоқаларини яхшилаш уринишларининг бошланиши ҳозирча ëмон эмас¸ аммо бу узоқ ва мураккаб жараëн эканини унутманг!”¸ деган мужда йўлламоқдалар.
