Вашингтон Эрон хусусида “жиддий хавотир” билдирди

АҚШ расмийлари Эрон ядровий қуролга эга бўлиш имкониятини сақлаб қолишга уринаётгани хусусида жиддий хавотир билдирди.

АҚШнинг Халқаро атом энергияси агентлигидаги вакили Глин Дэвисга кўра, ташкилот ўз сўнгги ҳисоботида Эрон битта ядровий қурол тайёрлаш учун етарли бўлган кам тўйинтирилган уранга аллақачон эга бўлгани ёки шу даражага етиш арафасида экани билдирилган.

9 сентябр куни Эроннинг етакчи давлатлар билан бўладиган музокараларда муҳокама қилинадиган масалалар юзасидан ўз таклифларини бериши кутилмоқда.