Линклар

Туркия Бокуга содиқ қолади


Туркия Ташқи ишлар вазири Аҳмад Дoвутўғли Анқара ва Ереван ўртасида ҳамкорлик битимининг имзоланишига қарамай Туркия Тоғли Қорабоғ масаласида Озарбайжонни қўллаб-қувватлашда давом этажагини маълум қилди.

-Тоғли Қорабоғ атрофидаги вазият ҳал этилмагунча расмий Анқаранинг Бокуга кўрсатаëтган қўллови ўзгаришсиз қолади¸ дея қўшимча қилди Туркия расмийси.

Туркиянинг яқин ҳамкори ҳисобланган Озарбайжон ўзаро дипломатик алоқаларни ўрнатишга оид Анқара ва Ереван ўртасида яқинда имзоланган ҳужжатни кескин танқид қилди.

1990-йиллар бошида Тоғли Қорабоғ учун Арманистон ва Озарбайжон ўртасида бўлиб ўтган урушдан сўнг, Туркия расмий Бокуни қувватлашини намойиш қилиш мақсадида Арманистон билан барча чегараларини ёпиб қўйган эди.
XS
SM
MD
LG