Покистонда 3 жанггари йўқ қилинди

АҚШнинг одамсиз бошқариладиган самолёти Покистондаги Толибон ва Ал-Қойдага тегишли деб тахмин қилинган жойларни ракеталардан ўққа тутди.

Покистон разведкаси маълумотига кўра, Шимолий Вазиристон вилоятида амалга оширилган ҳужум оқибатида уч нафар жанггари йўқ қилинган.

Сўнгги йилларда АҚШ учқичлари Покистон ҳудудида ўнлаб шундай ҳужумни амалга оширди.