Хитой президенти Қозоғистон ва Туркманистонга сафар қилади

Ху Цзинтаонинг 12 декабр куни Остона ва Ашхободга бошланадиган ташрифидан мақсад Туркманистон-Хитой газ қувурининг фойдаланишга топширилиши маросимида қатнашишдан иборат.

Тантанали маросимда қувури транзит ўтган Қозоғистон ва Ўзбекистон президентлари Нурсултон Назарбоев ва Ислом Каримов ҳам қатнашиши режаланган.

Таҳлилчилар фикрича, ушбу газ қувурини ишга тушириш билан Хитой Марказий Осиёда Россиянинг асосий стратегик рақобатчисига айланган.