Линклар

Эронда маҳбуслар калтаклаб ўлдирилди


Эрон суди 12 июн кунги президент сайловидан сўнг бўлиб ўтган намойишлар чоғида қўлга олинганлардан камида уч нафари қамоқхона нозирлари томонидан калтаклаб ўлдирилганини маълум қилди.

Эрон судининг бу борада ёйинланган баёнотида, шунингдек, Каҳризоқ қамоқхонасида сақланаётган 12 расмийга айблов эълон қилингани билдирилган. Маълум бўлишича, уч шахсга қотиллик айби қўйилмоқда.

Эрон мухолифатига кўра, июн ойидаги президент сайлови натижаларига қарши Теҳронда бўлиб ўтган намойишлар чоғида рўй берган тартибсизликларда камида 72 киши нобуд бўлган. Эрон ҳукумати эса жами 30 одам ҳалок бўлганини айтмоқда.
XS
SM
MD
LG