Линклар

Шошилинч хабар
28 март 2024, Тошкент вақти: 14:29

2009 йил - ўзбек муҳожирлари ҳаëтида


2009 йил хорижда юрган миллионлаб меҳнат муҳожирлари учун қандай йил бўлди ва уларнинг келгуси 2010 йилдан ниятлари қанақа? Меҳнат муҳожирлари даромаднинг ўтган йилгидан бироз камайганию, шу боис 2010 йилда аҳли-оила зиёратидан тийилиб туришни ўйлаётганини айтмоқда.

Россиядаги муҳожир:

- Москва вилоятида катта қурилишда йигитлар билан ишлаяпмиз. 2008 йилга нисбатан сал фарқи бор. 2008 йил ноябрдан кризис туфайли даромадларимиз камайиб кетган эди.

Озодлик: Даромад ўтган йилгига нисбатан камайдими кўпайдими?

- Ўтган йилгига нисбатан тўғриси камайди. 100 долларлар камайди.

Озодлик: Умуман олганда қанақа йил бўлди?

- Нолимайман¸ мен учун яхши йил бўлди. Ëмон бўлмади.

Қозоғистондаги суҳбатдош:

- Воқеалар кўп бўлди. Яхшиси ҳам бор¸ ëмони ҳам бор. Яхшиси уйга пул жўнатсак бўлгани.

Озодлик: Яхши пул топдингизми?

- Бир ойга 200-300 доллар тушиб туради. 2008 йилга қараганда озроқ бу йил. Кризис ҳамма ëқда. Олдин ишнинг ўзи излаб келарди. Ҳозир биз ишни излаяпмиз.

Учинчи суҳбатдош:

- Муҳожирликда бошқа бир мамлакат¸ бошқа бир тузум. Олдинги Россия эмас. Ўзим олдин Россияда хизмат қилганман. Олдинлари осиëликларга ҳурмат сал яхши эди. Энди ҳозир кўпайиб кетганми¸ бизнинг нонимизни ярим қилди деганми¸ алдайди¸ бирор жойда ишлатиб-ишлатиб пулингизни бермайди. Ойликлар ҳам ўзининг халқига кам берилаяпти. Бу ерда фақат давлат талаш бўлаяпти. Халқни ўйлаши қийин бўлиб қолди.

Озодлик: Янги йилда уйга борасизми?

- Йўқ¸ боролмайман.

Озодлик: Нимага?

- Яхши ишласам¸ ишларим юришиб кетса¸ Ҳаж амалларини қилишга чоғланмоқчиман. Шу ердан тўғри Ҳажга кетмоқчиман. Арзон экан. Ўзбекистонда Ҳажга бориш жуда қийин.

Тўртинчи суҳбатдош:

- 2010 йилда энди ишимизни шу ерда давом эттирамиз. Бошқа иложи йўқ.

Озодлик: Қайтиб бормайсизми Ўзбекистонга?

- Биласизми боришга бораман¸ лекин орадан бир¸ бир ярим ой ўтиши билан оилани таъминлаш ғамига тушишингиз керак. Бошқа иложи йўқда. Борсам¸ ўзимизнинг пулга камида бир ярим¸ икки миллионга куяманда. Ундан кўра йўлга кетадиган пулни уйга жўнатиб¸ телефонлашиб хабарлашиб турган маъқул.

Озодлик: Сизга¸ бола-чақага кифоями шу? Вақт¸ умр ўтиб кетаяптику.

- Тўғри¸ лекин шунга оиламиз ҳам ўрганиб қолган. Боргандан кейин бир ҳафта¸ 10 кун меҳмондай бўламизда¸ оиламизнинг ўзи “Кетинг¸ оиламизнинг иқтисоди чарчаяпти” деб айтади. Янги йилда уйга бора олмайман.
XS
SM
MD
LG