Оғир жароҳатланган ҳаитиликлар АҚШда даволанади

АҚШ ҳарбийлари Ҳаитида содир бўлган кучли зилзила пайтида оғир жароҳат олган одамларни АҚШга эвакуация қилиш қайта бошланишини билдирди.

Жароҳатланган ҳаитиликлар қаерда даволаниши ва сарф-харажатни ким қоплаши масаласида келишмовчилик юзага чиққанидан кейин чоршанба куни АҚШ ҳарбийлари касалларни ҳаво йўли орқали ташишни тўхтатган эди.

Эвакуация давом этишини эълон қилган Оқ Уй мамлакат ичи ва ташқарисидаги “ҳамкорлар” жароҳат олган ҳаитиликларни даволаш учун қўшимча ёрдам ажратишга кафолат берганини айтди.