АҚШ Эроннинг маҳбус алмашиш таклифини қутлади

Давлат Департаменти жосусликда айбланиб Эронда қўлга олинган уч нафар америкалик алпинист эронлик маҳбусларга алмаштирилиши мумкинлигини олқишлади.

Эрон президенти Маҳмуд Аҳмадийнажод давлат телевидениеси мухбири билан суҳбатда АҚШ фуқаролари Америка қамоғидаги сақланаётган эронлик маҳбусларга алмаштирилиши мумкинлигини айтди.

Давлат Департаменти матбуот котиби Филип Кроулей бу амалга ошиши қанчалар реал экани ҳақида гапирмади.