Линклар

logo-print

Руминияга АҚШ ракеталари ўрнатилади


Руминия президенти Траян Басеску ўрта масофага учувчи ракеталарни уриб туширадиган АҚШ ракета ҳужумидан мудофаа тизимининг бир қисми ўз мамлакати ҳудудига ўрнатилишини маълум қилди.

Мудофаа бўйича олий кенгаш йиғилишида сўзлаган Басеску АҚШ президенти Барак Обама Руминияни “АҚШ ракета ҳужумидан мудофаа тизимининг бир қисмига қўшилиш”га расман таклиф қилганини айтди.

Унга кўра, янги тизим “бутун Руминия ҳудудини ҳимоя қилгани боис” Бухарест расмийлари таклифга рози бўлган.

Басеску бу Россияга қараши қаратилмаганини алоҳида таъкидлади.
XS
SM
MD
LG