Туркия раҳбарлари “жиддий” вазиятни муҳокама қилади

Туркия президенти Абдулла Гул 25 феврал куни Бош вазир Ражаб Тоййиб Эрдўғон ва мамлакат армияси Бош штаби бошлиғи Илкер Басбугни президентлик саройида қабул қилади.

Музокара чоғида Исломий қарашдаги ҳукуматни етти йил олдин ҳокимиятдан ағдаришни режалаганлик айби билан 50 нафар ҳарбий зобит душанба куни қўлга олингани масаласини муҳокама қилади.

Ҳозир улар прокурорлар томонидан сўроқ қилинмоқда.

Эслатиш жоизки Туркия ҳарбийлари 1960 йилдан бери тўрт марта давлат тўнтариши амалга оширган.