Линклар

logo-print

Медведев Қирғизистондаги русларни ҳимоя қилади


Россия президенти Дмитрий Медведев мамлакат Мудофаа вазирига Қирғизистондаги этник руслар хавфсизлигини таъминлаш тўғрисида топшириқ берди.

Медведев сўнгги қилган чиқишларидан бирида Қирғизистонда бош-бошодоқлиқ ҳукм суриш хавфи бор, дея таъкидлади.

19 апрел куни юздан ортиқ қирғиз пойтахт яқинида жойлашган Маёвка қишлоғида этник руслар ва месхети туркларига қарашли уйларни талон-тарож қилди. Оқибатда камида беш киши нобуд бўлди.

Айни пайтда Қирғизистон муваққат ҳукумати етакчилари мамлакатда барқарорликни сақлаб қолиш ва қонунни бузган ҳар қандай шахсни жавобгарликка тортишга ваъда бермоқдалар.
XS
SM
MD
LG