Линклар

Қирғиз ёшлари Лукашенкодан узр сўрашни талаб қилди


Қирғизистондаги ёшлар ҳаракати Беларус президенти Александр Лукашенкодан Қирғизистон собиқ президенти Қурмонбек Бакиевга бошпана берганлик учун узр сўрашни талаб қилди.

“Оқ ният” ҳаракати раҳбари Чингиз Макешов журналистларга агар Лукашенко узр сўрамаса, “Оқ ният” ҳаракати аъзолари пойтахт Бишкекдаги Беларус элчихонаси олдида намойиш ўтказишини айтди.

“7 апрел” номли бошқа бир ҳаракат эса Бакиев Қирғизистонга экстрадиция қилинишини талаб қилиб Бишкекдаги Беларус элчихонаси олдида норозилик намойиши ўтказди.

Қурмонбек Бакиев 7 апрел куни ҳукуматга қарши норозилик намойишлари ўтказилганидан кейин мамлакатни тарк этиб Беларусдан бошпана топди.
XS
SM
MD
LG