Линклар

logo-print

Тожик милиционерлари Қирғизистон жанубидаги терговга ëрдам бермоқчи




Бу борада 21 июл куни матбуотга хабар берган Тожикистон Ички ишлар вазири Абдураҳим Қаҳҳоровга кўра, тожик милиционерларининг Ўш ва Жалолободда содир бўлган хунрезлик юзасидан тергов-текширув ўтказаётган қирғизистонлик ҳамкасбларига кўмаклашишлари режалаштирилган.

Айни пайтда Ички ишлар вазири Қаҳҳоров Қирғизистондаги июн воқеаларида тожикистонлик фуқаролар қатнашганига оид маълумотлар ҳамон ўз тасдиғини топмаганини билдирди.

- Аммо Ўш ва Жалолобод қирғинида тожиклар ҳам қатнашган бўлиши мумкин. Кўпчиликка маълумки, бир гуруҳ тожикистонликлар Маҳмуд Худойбердиевнинг ноқонуний қуролли гуруҳига аъзо. Улар Ўш ва Жалолобод воқеаларда қатнашган бўлиши мумкин¸ деди Тожикистон Ички ишлар вазири.

1998 йилнинг 4 ноябрида ўз собиқ салафи Имомали Раҳмонга қарши исëн кўтарган ўзбек полковниги Маҳмуд Худойбердиев 10 йилдан ошиқроқ вақт давомида Душанбе-Тошкент муносабатларига совуқлик солиб келаëтган асосий омиллардан бири бўлиб келмоқда.

Душанбе расмийлари Тожикистон Олий суди томонидан сиртдан қуролли давлат тўнтариши қилишга уринганликда айбланган исëнчи полковникнинг Тошкент паноҳида экани¸ Худойбердиевнинг Ўзбекистон ҳудудидан фаолият олиб бораëтганини даъво қилиб келади.


XS
SM
MD
LG