Москвани қоплаган тутун тарқади

Москвада кўплаб табиий ёнғинларга сабаб бўлган жазирама иссиқ бирмунча босилди.

Бир ҳафта давомида Россия пойтахтини қоплаб олган қалин тутун ҳам тарқади. Москва вилоятида ўрмон ва торф қатламларида рўй берган ёнғиннинг ўчирилишига чоршанба куни ёғиб ўтган ёмғир ҳисса қўшгани айтилмоқда.

Синоптиклар берган хабарга кўра, бугун Москвада ҳаво ҳарорати 32-34 даража иссиқ бўлади, айрим жойларда ёмғир ёғади.