- Кеча Тошкент вилояти судида суд ҳукми ўқилди. Нурчиликда айбланган тўққизтадан учтасига беш йилдан қамоқ жазоси берилди. Қолган олтитасига энг кам иш ҳақининг 70 баробари миқдорида жарима қўйилди. Бу 3 миллион 164 минг бўлади.
Озодлик: Уларга нисбатан конкрет қанақа айбловлар қўйилди?
- Учтасига 244-модданинг иккинчи прими (Диний экстремистик¸ сепаратистик¸ фундаменталистик ëки ëки бошқа тақиқланган ташкилотлар тузиш¸ уларга раҳбарлик қилиш¸ уларда иштирок этиш – таҳр.) қўйилди. Қолганлари 216-модда (Ғайриқонуний жамоат бирлашмалари ëки диний ташкилотларни қонунга хилоф равишда тузиш ëки уларнинг фаолиятини тиклаш¸ шунингдек бундай бирлашмалар ëки ташкилотлар фаолиятида фаол қатнашиш – таҳр.) билан айбланди.
Озодлик: Қўйилган айблар маҳкамада нақадар исботини топди?
- Исботи топилмаган албатта. Ҳеч қанақа исботи топилмаган. Лекин булар нимагадир халқдан¸ президентдан кечирим сўрашди барибир. Бунинг сабабларини ҳам билиб бўлмади. Нимагаки булардан ҳеч қандай айб топа олишмади суд жараëнида. Менимча¸ буларни терговчилар “шунақа демасанг бўлмайди” деб тайинлаган бўлса керак. Балки адвокатлар шунақа дегандир. Буларнинг ҳозир апелляция қилиш нимасини гаплашдик. Адвокатларнинг гапи бўйича¸ булар апелляцияга берамиз дейишди. Энди нима бўлишини вақт кўрсатади.