Линклар

logo-print

Эронда янги ракета синовдан ўтказилди


Эрон “ер-ер” русумдаги янги ракетани муваффақиятли синовдан ўтказганини эълон қилди.

Бу ҳақда Эрон Мудофаа вазири Аҳмад Воҳидий Теҳронда жума намозига тўпланганлар олдида қилган чиқиши чоғида билдирди. Бироқ мудофаа вазири ракета синови ўтказилган санани ошкор қилмади. Эрон давлат телевидениеси ҳам ракета синови ўтказилганига оид лавҳани намойиш қилди.

21 август куни Эроннинг Бушеҳр шаҳрида Россия ёрдамида барпо қилинган атом электр станциясини ишга тушириш режаланган.

Ғарб давлатлари Россияни Бушеҳрда атом станцияси қурилишида иштирок этгани учун кескин танқид қилиб келмоқда. Россия томони эса атом электр станцияси тинчлик мақсадларга йўналтирилган лойиҳа эканини таъкидламоқда.
XS
SM
MD
LG