Подмосковьенинг Талдом туманида бўлиб ўтган муштлашувда 3 нафар ўзбекистонлик жароҳатланди.
Интерфакс хабарига кўра, якшанба куни Талдом шаҳридаги дўконлардан бирида 4 нафар ўзбекистонлик ўртасида жанжал чиққан. Улардан бири пичоқ билан қолган 3 кишига оғир тан жароҳати етказган.
Жабрланганларнинг ҳаммаси шифохонага ётқизилган, улардан бири кейинроқ жон таслим қилган.
Милиция ўтказган тезкор-қидирув амалиёти натижасида бу жиноятни содир этганликда гумонланаётган 37 ёшли ўзбекистонлик қўлга олинган.
Аниқланишича, жанжал қилганлар маст ҳолатда бўлган.
