Ню Йоркда НАТО-Россия расмийлари учрашади

Бугун НАТО ва Россия Ню Йоркда БМТ Бош Ассамблеяси йиғилиши доирасида учрашув ўтказади.

НАТО-Россия Кенгашининг Ташқи ишлар вазирлари даражасидаги учрашув 28 давлат аъзо бўлган НАТО 20 ноябр куни Лиссабонда ўтказиладиган саммитга таклиф қилинган Россиядан жавоб кутаётган пайтда ўтказилмоқда.

Ню Йоркдаги учрашувда айнан Лиссабон саммитида муҳокама этиладиган масалалар, жумладан Афғонистон бўйича НАТО-Россия ҳамкорлиги ва АҚШнинг аскил-ракета мудофаа тизими элементларини Шарқий Европада жойлаштириш борасидаги мунозарали режаси каби масалаларнинг кўтарилиши кутилмоқда.