Линклар

logo-print

Адабиёт бўйича Нобел мукофоти перулик адибга берилди


Нобел мукофоти лауреати Марио Варгас Льоса.

Нобел мукофоти лауреати Марио Варгас Льоса.

Перулик машхур ёзувчи Марио Варгас Льоса Адабиёт бўйича 2010 йилги Нобел мукофоти соҳиби бўлди.

Швеция академияси 74 яшар адибга нуфузли мукофотни “у ўз асарларида ҳокимият тизимларини батафсил тасвирлагани, шунингдек, якка шахслар исёни, қаршилиги ва мағлубиятини ёрқин акс эттиргани учун” берди.

Марио Варгас Льоса 1936 йилда Перуда туғилган. 1990 йилда Перуда ўтказилган президентлик сайловида Льоси сиёсий рақиби Алберто Фухиморига ютқазган. Сўнгги йилларда Марио Варгас Льоса Мадридда яшаб келади.

Льосанинг қатор асарлари кўп тилларга таржима қилинган.

Айниқса, унинг “Қиёмат уруши”, “Черковдаги суҳбат” каби романларини китобхонлар яхши билади.

8 октябр куни 2010 йилги Нобел тинчлик мукофоти ва 11 октябрда Иқтисодиёт бўйича Нобел мукофоти лауреатлари эълон қилинади.
XS
SM
MD
LG