Тинч океани давлатлари вазирлари озиқ-овқат саноатида ишлаб чиқаришни оширишга чақирмоқда.
Япониянинг Ниигата шаҳрига йиғилган Осиё-Тинч океани иқтисодий ҳамкорлик ташкилотига аъзо давлатлар расмийлари дунёда тўйиб овқатланмаётган 1 миллиарддан ортиқ одамни таъминлаш учун озиқ-овқат саноати ва савдоси соҳасига кўпроқ сармоя киритиш тўғрисидаги қўшма баёнотни имзолади.
Ушбу баёнотда таъкидланишича, 2007-2008 йилларда озиқ-овқат нархининг кескин кўтарилиши дунё давлатларининг озиқ-овқат хавфсизлигига оид мавжуд сиёсатини қайта кўриб чиқиш заруратини пайдо қилган.
