Рим папаси Бенедикт XVI илк бор автралиялик руҳоний — Мэри МакКиллоп номини Рим католик черкови авлиёси рутбасига кўтарди.
Бундан қувонган минглаб австралияликлар папа лотин тилида ибодат маросимини ўтказган Рим шаҳридаги Авлиё Питер майдонига йиғилди. Яна минглаб аҳоли эса бу воқеани ўз юртида нишонлади.
1909 йилда 67 ёшида вафот этган Мэри МакКиллоп Австралиянинг чекка қишлоқларидаги муҳтож болаларга сабоқ бериш билан шуғулланган.
Ватикан, бундан ташқари, Канада, Испания, Полша ва Италиялик насроний жамоалар улуғларига авлиёлик рутбасини берган.
