Эрон президенти Маҳмуд Аҳмадийнажод қудратли давлатларнинг ядровий дастур борасида Теҳрон билан музокара қилишдан ўзга чораси йўқ, деган ишончда.
Томонлар ўртасидаги музокаралар 2009 йил октябрида узилиб қолган эди.
- Биз бошиданоқ энг тўғри йўл Эрон билан сўзлашиш, деган эдик, - деди давлат расмий телевидениеси орқали берилган жонли кўрсатувда Эрон президенти.
Шунингдек, у ўз гапига: “Сизнинг бошқа йўлингиз йўқ”, деган гапни ҳам қўшиб қўйди.
Европа Иттифоқи расмийлари Эронга 15-18 ноябрдан бошлаб, АҚШ, Британия, Хитой, Франция, Россия ва Германия билан сўзлашувларни бошлашни таклиф қилган эди.
БМТ Хавфсизлик кенгаши Эронга нисбатан санкцияларнинг тўртинчи босқичини жорий этган эди.