Манхэттан суди Google ширкатига ҳақоратчини аниқлашни буюрди

АҚШнинг Манхэттан суди Google ширкатига ню-йорклик аёлни Интернетда камситиб, ҳақортлаган шахсни аниқлаб бериш мажбуриятини юклади.

Карла Франклин исмли аёлнинг судга даъво қилишича, унинг Googleга тегишли видеотасвирларини номаълум кимса кўчириб олиб, уларни ҳақоратомус изоҳлар билан Youtube видео порталига жойлаган.

Ўзини камситилган деб ҳисоблаётган Франклин дарҳол судга шикоят қилди.

Манхэттен суди қарорига кўра, Google энди икки ҳафта ичида ню-йорклик аёлни ҳақоратлаган кимсанинг шахсини аниқлаб бериши керак.