Астраханда Тоғли Қорабоғ можароси муҳокама қилинди

Россия, Арманистон ва Озарбайжон президентлари ўртасида кеча Астрахан шаҳрида Тоғли Қорабоғ можаросини бартараф этиш масалалари юзасидан сўзлашувлар бўлиб ўтди.

Дмитрий Медведев, Серж Саргсян ва Илҳом Алиевларнинг учрашувида Арманистон билан Озарбайжон ҳарбий асирларни ўзаро айирбошлаш ҳамда ҳалок бўлганлар жасадларини қайтаришга келишиб олди. Бу иш ЕХҲТ Минск гуруҳи ва Халқаро Қизил Хоч қўмитаси кўмагида амалга оширилади.