Braziliyada ilk bor ayol kishi prezident bo‘ldi

Braziliyadagi prezidentlik saylovi ikkinchi bosqichida nomzod Dilma Russef g‘alaba qozonib, mamlakat tarixidagi ilk ayol prezident bo‘ldi.

Russef mamlakatda ikki muddat prezidentlik qilgan Luis Inasio Lula de Silva tanlagan nomzoddir.

Bunga qadar Dilma Russef Lula de Silva ma‘muriyatining rahbari bo‘lgan, undan avval esa Braziliya Energetika vaziri bo‘lib xizmat qilgan.