АҚШ президенти Индонезияга борди

Осиё давлатларига 10 кунлик сафари доирасида Барак Обама Индонезияга келди. Олий даражали ташрифдан мақсад АҚШ-Индонезия ўртасидаги савдо алоқаларини кенгайтиришдан иборат.

АҚШ расмийлари Обаманинг бир кунлик ташрифи муддати қисқариши мумкинлигини айтди.

Улар буни Индонезиянинг Мерапи тоғидаги вулқон фаоллашгани оқибатида атмосферадаги кул миқдорининг кўпайгани билан изоҳламоқда.

Болалик чоғида Индонезияда тўрт йил яшаган Обаманинг Жакартага ташрифи маҳаллий халқ томонидан катта қувонч билан кутиб олинди.