Клинтон Карзай танқидларини рад этди

АҚШ Давлат котиби Ҳиллари Клинтон Афғонистон раҳбари Ҳамид Карзайнинг халқаро кучлар ўтказаётган "тунги рейдлар"га оид танқидларини рад этди.

Клинтон хонимга кўра, халқаро кучларнинг Афғонистон бўйлаб амалга ошираётган тунги амалиётлари террорчиликка қарши курашда муҳим аҳамиятга эгадир.

Аввалроқ Афғонистон раҳбари Ҳамид Карзай халқаро кучлар қўмондонлигини тунги амалиётлардан воз кечишга чақирган эди. Карзайнинг таъкидича, бу кўплаб афғонистонликлар тинчини бузмоқда.