Камбожадаги фожиада юзлаб одам нобуд бўлди

Камбожа пойтахти Пномпенда бўлиб ўтган фестивал чоғида қарийиб 380 киши оломон оёғи остида қолиб нобуд бўлди, 400 дан ортиқ одам тан жароҳати олди.

Гувоҳларга кўра, Пномпенни кичик оролча билан боғловчи кўприкда бир неча кишини ток уриб ўлдирганидан кейин одамлар саросимага тушиб югура бошлаган.

Камбоджа телевидениеси ўлганлардан 250 нафарининг аёллар эканини хабар қилди.

Бош вазир Хун Сен бу воқеани мамлакат тарихидаги энг мудҳиш фожиа деб атади.