Хитой ва Россия миллий валютадаги савдога ўтмоқчи

Россия Бош вазири Владимир Путин Россия ва Хитой ҳукуматларининг ўзаро савдода миллий валюталардан кўпроқ фойдаланиш борасида келишиб олганини маълум қилди.

Санкт-Петербург шаҳрида Хитой Бош вазири Вен Жиабао билан бўлиб ўтган музокаралардан сўнг Путин Россия келаси ойдан бошлаб Москвадаги валюта биржасида юанни савдога чиқаришини айтди.

Яқинда Хитой ҳукумати ҳам мамлакатдаги банкларга Россия рублини банклараро савдога қўйишга рухсат берган эди.