Афғонистонга АҚШ юклари Литва орқали боради

Литванинг Клайпеда портига АҚШдан Афғонистонга бориши керак бўлган илк ҳарбий юклар етиб келди.

Ўн бешта контейнердан иборат бу юк ҳарбийлар учун аталган озиқ-овқат, сув, қурилиш материаллари ва ëнилғидан иборат.

АҚШдан Литвага келган бу юклар Афғонистонга темир йўл воситасида Россия, Қозоғистон ва Ўзбекистон орқали етказилади.

Клайпеда порти АҚШнинг Афғонистонга етказадиган юклардан йилига 3¸5 миллион фойда кўриши хисоблаб чиқилди.