Лукашенко: "Беларусда ҳеч қанақа инқилоб бўлмайди"

Беларус раҳбари Александр Лукашенко Минскдаги намойишлар куч билан бостирилиши ортидан "мамлакатда ҳеч қанақа инқилоб бўлмайди", дея огоҳлантирди.

Марказий сайлов комиссиясининг маълум қилишича, якшанба кунги сайловда Лукашенко овозларнинг саксон фоизини қозониб, ғалабани қўлга киритган.

Якшанба кунги сайлов натижалари ва овоз беришдаги сохтакорликлардан норози минглаб одам Минск кўчаларига чиққан, милиция эса уларни куч билан бостириб, юзлаб намойишчини ҳибс этган эди.