Мисрда америкалик 8 сайёҳ ҳалокат қурбони бўлди

Мисрдаги автоҳалокатда АҚШдан борган 8 сайёҳ нобуд бўлди, 21 нафари жароҳатланди.

Расмий MENA агентлиги берган хабарга кўра, сайёҳлар Асвон водийсидаги машҳур Абу-Симбол қоясида жойлашган ибодатхона зиёратига бораётган эди.

Ўлганлардан 6 нафари аёллардир. Яраланганлардан 4 нафарининг аҳволи оғир экани айтилмоқда.

Мисрда йўл ҳалокатлари кўп содир бўлади ва ҳар йили 8 мингга яқин одам йўлларда ҳаётдан кўз юмади.