Назарбоевни 2020 йилгача тахтда қолдириш ғояси маъқулланди

Қозоғистон парламенти қуйи палатаси президент Нурсултон Назарбоевни 2020 йил охиригача тахтда қолдириш ғоясини маъқуллади.

Энди президентга мурожаатнома лойиҳасини парламентнинг юқори палатаси ҳам маъқуллаши лозим, шундан кейин бу масала мамлакат президентига чиқарилади.

Назарбоевнинг ҳозирги президентлик муддати 2012 йил декабрда тугайди. 70 яшар Нурсултон Назарбоев йигирма бир йилдан бери Қозоғистонга раҳбарлик қилади.