Линклар

Ўзбекистон-Иордания ўйини дуранг натижа билан тугади


2011 йилги Осиё кубоги мусобақалари арафасида футбол бўйича Ўзбекистон терма жамоаси Иордания жамоаси билан 2:2 ҳисобида дуранг ўйнади.

Ўйин Бирлашган Араб Амирлигининг “Ал-Шаржа” стадионида бўлиб ўтди.

Биринчи бўлимнинг 32 дақиқасида Амир Дийб Ўзбекистон дарвозасига тўп киритди. Иккинчи бўлимнинг 70-дақиқасида Жасур Ҳасанов ҳисобни тенглаштирди.

75-дақиқада Одай Ал Сайфий Ўзбекистон дарвозасини бехато нишонга олди. Икки дақиқадан кейин Олим Навкаров ҳисобни тенглаштирди.

3 январ куни Ўзбекистон жамоаси Бирлашган Араб Амирлигидан Қатарга жўнаб кетади.

7 январ куни “Халифа” номидаги стадионда футбол бўйича қитъа биринчилиги учун Қатар ва Ўзбекистон ўртасида дастлабки ўйин бўлиб ўтади.

Кейин Ўзбекистон футболчилари Хитой ва Кувайт терма жамоалари билан куч синашади.
XS
SM
MD
LG