Покистондаги мактабда бомба портлади

19 январ куни Покистоннинг Пешовар шаҳридаги мактаб яқинида бомба портлаши натижасида камида бир киши ҳалок бўлган, 14 киши жароҳатланган.

Полиция маълумотига кўра, жароҳатланганларнинг асосий қисми мактаб ўқувчилари.

Пешовар – Хайбар Пахтунхва вилоятининг маркази бўлиб, бу ерда толиблар ва Ал- Қоида тарафдорларининг фаол ҳаракатлари кузатиб келинади.

Жангарилар қиз болаларнинг ўқитилишига қаршилик сифатида аввал ҳам Пешоварда бир қанча мактаблар ва бошқа таълим масканларини вайрон қилишган.