Мюнхенда хавфсизлик анжумани очилади

Бугун Германиянинг Мюнхен шаҳрида глобал хавфсизлик муаммоларига бағишланган анжуман очилади.

Қатор давлат раҳбарлари, Ташқи ва Мудофаа вазирлари иштирокида ўтадиган анжуман кун тартибидаги асосий мавзуларнинг глобал молиявий бўҳрон оқибатлари ҳамда ядровий қурол тарқалишини олдини олиш масалалари бўлиши кутилмоқда.

Шанба куни АҚШ Давлат котиби Ҳиллари Клинтон ва Россия Ташқи ишлар вазири Сергей Лавров Мюнхенда Вашингтон ва Москва ўртасида стратегик ҳужумкор қуролларни қисқартириш шартномаси ратификация ёрлиқлари билан алмашишади.