Собир Раҳимов ҳайкали янги жойга ўрнатилди

Январ ойи бошида Олмазор туманидан олиб ташланган генерал Собир Раҳимовнинг ҳайкали Чилонзор туманидаги Ғафур Ғулом номидаги паркка ўрнатилди.

Бу ҳақда Газета.уз интернет нашри хабар қилди. 1981 йилда ўрнатилган ҳарбий қўмондоннинг ҳайкали олдин Олмазор туман ҳокимияти олдида бўлган.

Ҳозир унинг ўрни кўкаламзорлаштирилган.

Собир Раҳимов 1902 йил Тошкент шаҳрида туғилган.

Иккинчи жаҳон уруши даврида Совет қўшинларига қўмондонлик қилган генерал Раҳимов жангларда бир неча марта яраланган.