Линклар

Миср президенти Ҳусни Муборак телевидение орқали халққа мурожаатида президентликка (олтинчи марта) номзодини қўймаслигини айтди.

Муборак бази салоҳиятларини вице президент Умар Сулаймонга топшириш ваъда қилди.

Айни пайтда Муборак ҳокимиятни тинч йўл орқали ўзгариши жараёнига бошчилик қилишини айтди.

Мисрни 30 йилдан бери бошқариб келаётган Ҳусни Муборак ҳокимиятни босқичма-босқич топшириш ва сайловлар ўтказишга ёрдам бериш учун конституцияга ўзгартишлар киритилишини эълон қилди.

Муборак истеъфога чиқишини эълон қилмагани Мисрнинг йирик шаҳарларида 17 кундан бери президент истеъфосини талаб қилаётган ўн минглаб намойишчилар ғазабини қўзғади.

Пойтахт Қоҳиранинг Таҳрир майдонига йиғилган минглаб намойишчилар “Муборак кет, Муборак кет” деб бақирмоқдалар.

Ҳусни Муборак аввалги чиқишларида президентлик муддати сентябр ойида тугамагунича истеъфога чиқмаслигини айтган.
XS
SM
MD
LG