Бугунги эшиттиришимизда асосан ëшлар – Бишкекдан Озодликнинг Ëш тўлқин лойиҳаси раҳбари 25 яшар Тўлқин Умаралиев, Швециядан 35 яшар Гўзал Шерикбоева, Стокҳолм университети талабаси, Эрк партияси Европа бўлими координатори 24 яшар Султонмурод Иброҳимов ва Ўзбекистондан туриб Facebook, YouTube ва бошқа порталларда баҳс олиб бораëтган 18 яшар Юлдуз иштирок этади.
Шунингдек эшиттиришимизда Озодликнинг қозоқ хизмати бошловчиси Султонхон Жусуб ва Ўзбекистондаги илк мустақил ҳафталикка бундан 21 йил аввал асос солган, ҳозир Канададаги ўзбекларнинг хабарлашуви учун портал очган журналист Фахриддин Худойқулов иштирок этади.
Қадимги дунëнинг таниқли олими Архимед “Менга таянч нуқтасини берингчи мен ер куррасини ўз жойидан силжита оламан” деган эди.
Тунис ва Мисрда эса янги Интернет технологиялари сиëсий вазиятни ўзгартириш учун таянч нуқтаси бўлганига тарих гувоҳ.
Қурултой эшиттиришини қуйида тинглашингиз мумкин.
