Ҳолландиялик уч ҳарбий Ливияда қўлга олинди

Нидерландия Мудофаа вазирлиги уч нафар ҳолландиялик ҳарбий Ливия кучлари томонидан ушлаб турилгани ҳақидаги хабарни тасдиқлади.

Маълумотларга кўра, улар европалик мутахассисларни қутқариш учун вертолётда борган пайтда Ливия раҳбари Муаммар Қаддафийга тарафдор кучлар томонидан қўлга олинган.

Нидерландия Мудофаа вазирлиги матбуот котиби уч нафар денгиз пиёда аскари якшанба куни Ливия шимолидаги Сирте шаҳрида ушлаб олингани ва уларни озод қилиш бўйича “жиддий музокаралар” олиб борилаётганини айтди.